Bakının Səbail və Sabunçu rayonlarında qaz olmayacaq. Bu haqda bu gün, 3 may tarixində Bakuplus.az “Azəriqaz”a istinadən xəbər verir.
“Hacı Seyfəl” ortatəzyiqli qaz kəməri üzərində ölçü qovşağının təftiş olunması və aşkar olunmuş qaz sızmasının aradan qaldırılması, həmçinin Səbail rayonu Badamdar qəsəbəsinin üçüncü yaşayış massivində yeni çəkilmiş qaz xəttinin mövcud şəbəkəyə qoşulması ilə əlaqədar saat 10:00-dan qaz təchizatında fasilə yaranacaq.
Təmir işləri aparılan müddətdə Sabunçu rayonunda Maştağa qəsəbəsinin Nizami küçəsinin və Bağlar massivinin, Səbail rayonunda isə Badamdar qəsəbəsinin üçüncü yaşayış massivində qaz kəsiləcək.
