Bakıda istilik mövsümü noyabrın 15-də başlasa da, bəzi ərazilərdə yaşayan vətəndaşlar istiliyin olmamasından şikayətlənirlər. Bu haqda bu gün, 17 noyabr tarixində Bakuplus.az Xəzər Xəbər-ə istinadən məlumat verir.
Xətai rayonu, Məhəmməd Hadi küçəsi, 77, 87, 89, 91-93, Xətai rayonu Telnov, 3, Yasamal rayonu, Yeni Yasamal 1, Suraxanı rayonu, Hövsan qəsəbəsi, Elman Qasımov, 15q ünvanlarında yaşayan sakinlər bildirirlər ki, soyuq havaların gəlməsi ilə vəziyyət daha da pisləşib.
"Azəristiliktəchizat"-ın rəsmisi Elvin Basqallı açıqlama verərək bildirib ki, bütün qazanxanalar qrafik üzrə işə salınıb. Rejim düzəlişləri ilə bağlı problemlər aradan qaldırılır. Daxil olan müraciətlər əsasında tədbirlər görülür. Eyni zamanda 50-yə yaxın zirzəmidən istilik avadanlığı oğurlanaraq istiliklə təminatda problemlər yaranıb. Hazırda bununla bağlı müraciət var.
[caption id="attachment_79443" align="alignnone" width="640"]
Foto Xəzər Xəbərin rəsmi Youtube kanalı[/caption]
