Bakının Nəsimi rayonu, Füzuli küçəsi yararsız hala düşüb. Daş örtük qopub və dağılmış hissələr asfaltla əvəzlənir. Bu haqda bu gün, 17 yanvar tarixində Bizim.Media məlumat verib.
Şəhərin ən sıx və gur ərazisi sayılan bu yol ilə hər gün çoxlu sayda avtomobil və piyada hərəkət edir. Dağılan daş səkilər də getdikcə sıradan çıxır.
Küçəyə vaxtilə Bakı Şəhər İcra Hakimiyyəti tərəfindən daş döşənib. Dağılmış hissələr isə hazırda Azərbaycan Avtomobil Yolları Dövlət Agentliyi (AAYDA) tərəfindən asfaltla örtülür.
AAYDA-nın rəsmisi Anar Nəcəfli məsələ ilə bağlı bildirib ki, Füzuli küçəsi əsaslı təmir olunacaq.
“Amma yolun daşla, yoxsa asfaltla təmir olunacağı çıxarılacaq qərardan asılı olacaq. Məsələ ilə bağlı necə qərar veriləcəksə, işlər də o şəkildə icra olunacaq”, - deyə Nəcəfli əlavə edib.
[caption id="attachment_87145" align="alignnone" width="640"]
Foto Bizim.Media.az saytı[/caption]
