Paytaxtın Nəsimi rayonu ərazisində yerləşən Rəsul Rza küçəsi ilə Salatın Əsgərova küçəsinin kəsişməsində artıq iki ildən çoxdur ki, hərəkət məhdudlaşdırılıb. Bu haqda bu gün, 14 noyabr tarixində Bakuplus.az Baku TV-yə istinadən məlumat verir.
Rəsul Rza küçəsininin bu hissəsində MTK tərəfindən tikinti işləri aparıldığına və yol bağlandığına görə hərəkət yalnız Salatın Əsgərova küçəsində mövcuddur.
Tikinti şirkətinin hüquqşünası Ramilə Bağırova bildirib ki, şirkət tərəfindən təhlükəsizliyin təmin olunması məqsədilə küçə müvəqqəti olaraq bağlanmışdı. Hazırda müvafiq tikintiyə icazə sənədləri əsasında təmir-tikinti işləri aparılır və bu ilin sonunadək yekunlaşacaq. Beləliklə, həmin yol sakinlərin istifadəsinə veriləcək.
Məsələ ilə bağlı Nəsimi Rayon İcra Hakimiyyətindən əldə olunan məlumata əsasən, hazırda həmin yolda bordür quraşdırma işləri aparılır. Küçə ilin sonunadək açılacaq.
