Paytaxtın Sabunçu rayonu, Bakıxanov qəsəbəsi, Muxtar Fətəliyev, 68 ünvanında yerləşən bina baxımsız vəziyyətdədir. Bu haqda bu gün, 12 aprel tarixində Bakuplus.az Real TV-yə istinadən xəbər verir.
Belə ki, sakinlər yararsız liftdən və binanın zirzəmisinə dolan çirkab sudan narazıdırlar. 108 ailə illərdir bu çətinliklərlə yaşamağa məcburdur.
“Binanın armaturları artıq üzə çıxıb. Ağcaqanad, həşəratlardan tərpənmək mümkün deyil. Zirzəmidə girib üzmək olar. 2-ci mərtəbəyə kimi liftin düşməsinə qoymuruq ki, qapıları nəmişlikdən dağılır”, - deyə sakinlər şikayət edirlər.
Binanın altında yerləşən boru köhnəldiyindən su buraxmağa başlayıb, nəticədə isə bu cür mənzərə yaranıb. Liftlər isə 10-15 il əvvəl quraşdırılıb və istismar müddətini başa vurub.
Sukanal İdarəsindən məsələnin araşdırılacağı bildirilib. Bakı Lift Təmir İstehsalat Birliyi isə həmin ərazidə təmir-bərpa işlərinin aparılacağını vurğulayıb.
[caption id="attachment_96982" align="alignnone" width="640"]
Foto Real TV[/caption]
