Paytaxtın Sabunçu rayonu, Bakıxanov qəsəbəsi, Şamil Kamilov, 16E ünvanında yerləşən anbarda qanun pozuntuları aşkarlanıb. Bu haqda bu gün, 27 mart tarixində Bakuplus.az Qida Təhlükəsizliyi Agentliyinə istinadən xəbər verir.
Konservləşdirilmiş mürəbbə və turşuların saxlanma anbarında aparılmış yoxlama zamanı təhlükəsizlik qaydalarına riayət olunmadığı və müvafiq sənədləşmənin olmadığı məlum olub.
Keçirilən müayinələrdən sonra “Nuşican” əmtəə nişanlı, mənşəyi və istehsal tarixi məlum olmayan 523 ədəd mürəbbə və 2835 ədəd turşunun “EkoSum” MMC-nin tullantıların zərərsizləşdirilməsi poliqonunda məhv edilməsinə qərar verilib.
