Bu gün səhər “Yasamal” Yaşayış Kompleksinin (MİDA) bir neçə sakini burada yerləşən 9 saylı müntəzəm marşrut xəttinin sonuncu dayanacağındakı dispetçer məntəqəsinə yaxınlaşaraq sürücülərə tort hədiyyə ediblər.
Bakuplus.az xəbər verir ki, bu barədə “Xaliq Faiqoğlu” şirkətinin əməkdaşı Nizam Rzayev şəxsi sosial media hesabında bildirib.
O qeyd edib ki, tortu təqdim edən sərnişinlər göstərilən xidmətə görə sürücülərə təşəkkür ediblər.
Qeyd edək ki, 9 saylı müntəzəm marşrut xətti (MİDA - “İnşaatçılar” mt/s - “20 Yanvar” mt/s - “Memar Əcəmi” mt/s - Ayna Sultanova heykəli - “Nəriman Nərimanov” mt/s) 2022-ci ildən fəaliyyət göstərir. Xətt üzrə 12 avtobus 10 dəqiqəlik intervalla sərnişinlərə xidmət göstərir.
