Bir çoxları binaların pis layihələndirilməsindən şikayətçidir.
Bakuplus.az xəbər verir ki, şikayət hədəflərinin biri də Yasamal Yaşayış Kompleksidir (MİDA).
Belə ki, sakinlər binaların fasadları üzərində yerləşdirilən kondisionerlərdən narazıdır. Bildirilib ki, əvvəllər kondisionerlərin yerləşdirilməsinə nəzarət olub. Ancaq sonradan bu dayandırılıb. Nəticədə, gözə xoş olmayan görüntü yaranıb. Sözügedən binanın görüntüləri sosial şəbəkələrdə paylaşılıb.
Yeni tikilən binalarda belə problemlərin olması isə təəccüblüdür. Çünki kondisionerlərin düzgün şəkildə quraşdırılması binalar layihələndirilən zaman nəzərə alınmalıdır. Bundan əlavə, bu iş nizamlı şəkildə təşkil edilməlidir.
Qeyd edək ki, son illərdə bir çoxları tikinti şirkətlərinin pis layihələrinin qurbanı olur. Həmçinin bu layihələr şəhərin ümumi görünüşünü də korlayan faktorlar arasındadır.
