Bakının Sabunçu rayonu, Bilgəh qəsəbəsində bir il əvvəl yeni istirahət parkı qurulub, lakin bu günə kimi istifadəyə verilməyib. Bu haqda bu gün, 24 iyul tarixində Bakuplus.az Xəzər Xəbər-ə istinadən məlumat verir.
Sakinlər deyirlər ki, ilk dəfədir Bilgəh qəsəbəsində həm ərazinin genişliyinə, həm yaşıllığına, həm də səliqə-sahmanına görə belə park salınıb. Buna baxmayaraq, park bağlı olduğuna görə sakinlər dincəlmək üçün azyaşlı övladları ilə birgə Buzovnaya, Maştağaya gedirlər.
İnşaat işlərini aparan "Bakı Abadlıq" MMC-dən bildirilib ki, parkın içərisində sanitar qovşaq və bir neçə tamamlanmaya ehtiyacı olan kiçikhəcmli işlər qalıb. Bu işlər yaxın günlərdə yekunlaşacaq və park sakinlərin istifadəsinə veriləcək.
