Bakının Binə qəsəbəsi, “Südçülük sovxozu” adlanan yaşayış sahəsində məhəllədaxili avtobusların fəaliyyəti dayandırılıb. Sakinlər deyirlər ki, bu, onların işini xeyli çətinləşdirib. Bu haqda bu gün, 7 fevral tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, mövcüd vəziyyətə görə bəzən qəsəbənin mərkəzinə qədər olan 2-3 kilometrlik yolu piyada qət etməli olurlar. Ona görə də məcburiyyətdən taksidən istifadə edilir, bu isə sakinlər üçün əlavə xərcdir.
BNA-dan verilən məlumata görə, aparılan plansız məskunlaşma səbəbindən ərazinin yol infrastrukturu da iri və ortatutumlu avtobusların hərəkəti üçün uyğunsuzdur. Belə ki, yolların ensiz olması avtobusların manevr imkanlarını məhdudlaşdırır. Bu səbəbdən hazırda həmin istiqamətdə müntəzəm marşrut xətlərin təşkili mümkünsüzdür.
