Paytaxtın Binəqədi rayonunda qanunsuz yaradılmış su xətləri aşkarlanıb. Bu haqda bu gün, 14 oktyabr tarixində Bakuplus.az “Azərsu” ASC-yə istinadən xəbər verir.
Binəqədi qəsəbəsinin Rəsulzadə küçəsində çoxmənzilli yaşayış binasına sayğacdankənar su xəttinin çəkilməsi məlum olub, eləcə də həmin ərazidə yerləşən obyektin magistral su xəttinə müqavilə bağlamadan qoşulduğu aşkarlanıb.
Xocəsən qəsəbəsindəki “Xan” çay evində isə su sayğacı və müqavilənin olmasına baxmayaraq, bu xətdən istifadə edilmir və əlavə qanunsuz xətt çəkilib. Eyni hal 7-ci mikrorayon ərazisində də qeydə alınıb.
1-ci mədən yaşayış massivində də yeni tikilmiş fərdi yaşayış evlərinə sayğacdankənar su xətlərinin çəkildiyi aşkarlanıb.
Sözügedən faktlarla bağlı toplanan materiallar hüquq-mühafizə orqanlarına göndərilib, eləcə də ev və obyekt sahibləri ilə söhbətlər aparılıb, onlara müvafiq məlumatlar verilib.
[caption id="attachment_74737" align="alignnone" width="640"]
Foto Azərsu ASC-nin rəsmi saytı[/caption]
