Bu gün, 15 noyabr tarixində Azərbaycan xalqının qarşı çıxdığı qətnamə layihəsinə baxılacaq. Bu haqda BakuPlus.az xəbər verir.
Fransa Senatının 6 üzvünün irəli sürdüyü qətnamə layihəsi özündə Azərbaycana qarşı ittihamları əks etdirir, həmçinin Fransa və digər Aİ ölkələrini Azərbaycandan qaz və neft idxalına embarqo tətbiq etməyə çağırır.
Paris vaxtı ilə saat 10:00, Bakı vaxtı ilə isə saat 13:00-da Senatın qarşısında Azərbaycan diasporu nümayəndələrinin etiraz aksiyası keçiriləcək.
Paris vaxtı ilə saat 14:30-da (Bakı vaxtı ilə 17:30) Senatda Azərbaycan əleyhinə qətnamə layihəsi səsə qoyulacaq. Eyni zamanda İrəvanda Opera Teatrının yaxınlığında bu qətnaməyə dəstək aksiyası da baş tutacaq. Senatda səsvermə proseduru da böyük ekranda yayımlanacaq.
Paris vaxtı ilə saat 17:30-da (Bakı vaxtı ilə 20:30) Senatın qarşısında erməni diasporu nümayəndələrinin nümayişi nəzərdə tutulub, iştirakçılar Azərbaycan əleyhinə olan qətnaməyə görə Senat üzvlərinə dəstək və təşəkkürlərini bildirmək niyyətindədirlər.
Bu qətnamə layihəsinin əleyhinə olan ümumfransız Mesopinions.com saytında 125,5 min səs toplayan petisiyaya fransız mediası etinasız yanaşıb.
