Zərifə Əliyeva küçəsində salınmış yeni avtobus zolağı simulyasiya edilib.
Bu barədə Bakuplus.az-a Azərbaycan Yerüstü Nəqliyyat Agentliyindən məlumat verilib.
Bildirilib ki, AYNA tərəfindən Akademik Zərifə Əliyeva küçəsində avtomobillər üçün hərəkət zolaqlarının sayını dəyişmədən avtobus zolağı təşkil edilir. Bu layihə xüsusi proqram təminatı ilə simulyasiya edilib və əldə edilən nəticələrə görə avtobus zolağı sayəsində ictimai nəqliyyatın əlçatanlığı ciddi şəkildə artacaq, orta sürət göstəriciləri yüksələcək, bu da sərnişinlərin rahat və tez bir şəkildə mənzilbaşına çatmasını təmin edəcək.
