Bakının Nəsimi rayonunda, Cavadxan küçəsi 32, 36 saylı ünvanlarda abadlıq-quruculuq işləri davam edir. Bu haqda bu gün, 12 oktyabr tarixində Bakuplus.az Nəsimi Rayon İcra Hakimiyyətinə istinadən xəbər verir.
Yenidənqurma işləri çərçivəsində kök üstdə qurumuş ağaclar təmizlənərək ərazidən çıxarılıb, budanma, təmizlik işləri aparılıb.
Hal-hazırda həyətdə torpaq işləri görülür, binanın fasadında və dam örtüyündə təmir işləri aparılır. Binaların giriş bloklarının qapı və pəncərələri yenilənir.
Əlavə olaraq söhbətgah, oturacaqlar, həmçinin müxtəlif növ uşaq oyun elementləri və idman qurğuları quraşdırılacaq. Yeni tamet-bordür daşlarının vurulması, suvarma xətti və işıqlandırma sistemlərinin çəkilməsi, kiçik tullantılar üçün qabların qoyulması, avtomobillərin saxlanılması üçün xüsusi yerlərin ayrılması işləri də nəzərdə tutulub.
Cavadxan, 30 və 34 saylı ünvanlarda isə abadlıq-quruculuq işləri yekunlaşmaq üzrədir. Binanın fasadında və dam örtüyündə təmir işləri aparılıb və həyətdə qurumuş ağaclar ərazidən çıxarılıb.
Hazırda söhbətgah, oturacaqlar və müxtəlif növ uşaq oyun elementlərinin, idman qurğularının quraşdırılması işləri aparılır.
