Dövlət Yol Polisi tıxacların əsas səbəblərini açıqlayıb. Bu haqda bu gün, 21 oktyabr tarixində Bakuplus.az APA-ya istinadən xəbər verir.
Bakı şəhər Dövlət Yol Polisi İdarəsinin rəis müavini, polis polkovniki Malik İbrahimovun sözlərinə görə, tıxacların əsas səbəbləri taksilər və avtobuslardır. O, həmçinin yolların genişləndirilməli olduğunu vurğulayıb və piyada keçidləri barədə münasibət bildirib.
“Bəzi yerlərdə 4-5 ağacın yolun genişləndirilməsi üçün yerdəyişməsi məqbuldur. Piyada keçidlərinə gəldikdə isə Tbilisi prospektində bəzən 10 piyadanın keçməsi üçün 100 maşın gözləyir”, - deyə İbrahimov vurğulayıb.
Qurumdan bildirilib ki, təkcə “20 yanvar” dairəsinə 1 tağım əməkdaş cəlb olunur ki, tıxaclar qismən də olsa, azalsın.
[caption id="attachment_75828" align="alignnone" width="640"]
Foto apa.az saytı[/caption]
