Bakının Sabunçu rayonunun Bakıxanov qəsəbəsində piyada keçidi olmayan yol sakinlərə təhlükə yaradır. Bu haqda bu gün, 14 avqust tarixində Bakuplus.az Xəzərxəbər-ə isitinadən məlumat verir.
Şamil Kamilov küçəsində yerləşən yolda piyada zolağı olmadığına görə vətəndaşlar yolu keçən zaman təhlükə ilə qarşılaşırlar. Ərazidə çoxsaylı yaşayış binalarının, məktəbin, böyük ticarət mərkəzinin və avtobus dayanacağının olmasına baxmayaraq, lazım olan yol nişanı və “zebra” yoxdur.
“Avtomobillər bu yoldan yüksək sürətlə keçirlər, elə bil bura Binə yoludu”, – deyə sakinlər şikayət edirlər.
Adıçəkilən küçədə yaşayan sakinlər Yerüstü Nəqliyyat Agentliyinə müraciət ediblər. Qurumdan məlumat verilib ki, əraziyə baxış keçiriləcək, piyadalara təhlükəsiz şərait yaratmaq üçün işlər aparılacaq.
