Müğənni Xaliq Quliyevin (Əbdül Xalid) səhhətində problem yaranıb.
Bununla bağlı o, öz şəxsi “Instagram” sosial şəbəkə hesabında paylaşım edib.
Məşhur müğənnin əməliyyat olunduğu iddia olunur.
Məsələni dəqiqləşdirmək üçün Bakuplus.az-ın əməkdaşı müğənni Xaliq Quliyevlə əlaqə saxlamağa çalışıb. Telefon zənginə onun prodüseri Kamran Seyidzadə cavab verib.
O, müğənnin vəziyyətinin stabil olduğunu bildirib:
“Ötən gün Xaliqin anidən ağrısı başladı. Dərhal günorta radələrində xəstəxanaya çatdırıldı və ödündən əməliyyat olundu. Çox pis idi. Öd kisəsinin partladığını dedilər. Vəziyyəti stabildir. Ağrıları var. Hazırda ancaq yatır. Nə zaman evə buraxılacağı bilinmir. Müalicələri davam etdirilir”.
Tibbi Ərazi Bölmələrini İdarəetmə Birliyindən (TƏBİB) Bakuplus.az-ın sorğusuna cavab olaraq bildirilib ki, müğənni Xaliq Quliyev (Əbdül Xalid) ilə bağlı Respublika Təcili və Təxirəsalınmaz Tibbi Yardım Mərkəzinə çağırış daxil olmayıb.
Nəzrin Vahid
