Paytaxtın Xətai rayonunda yerləşən Gənclik parkında bəzi ağaclar kəsilib. Bu haqda bu gün, 27 fevral tarixində Bakuplus.az Oxu.az-a istinadən xəbər verir.
Adıçəkilən meşə tipli parkda ağacların kəsilməsi ilə bağlı sosial şəbəkələrdə məlumat yayılmışdır. Bu mövzu sosial şəbəkələrdə narazılığa səbəb olmuşdur.
Məsələ ilə bağlı Xətai rayon İcra Hakimiyyəti bildirib ki, ağaclar quruduğundan kəsilib və yerinə yenisi əkilib. Sözügedən parkda ümumilikdə 11 ağac kəsilib, onların əvəzinə 80 yeni ağac əkilib.
Gənclik parkı 2021-ci ilin avqust ayında sakinlərin istifadəsinə verilib.
