Bakı küçələrində bir müddət ərzində gecələyən 66 yaşlı kişi nəzarətə götürülüb. Bu haqda bu gün, 10 iyul tarixində Bakuplus.az Xəzər Xəbər-ə istinadən məluma verir.
Akif Əliyev bir müddət Moskva şəhərində yaşayıb. Sonra isə deportasiya olunaraq Azərbaycana göndərilib. Lakin burada onu qarşılayacaq kimsəsi olmadığı üçün Sosial Xidmətlər Agentliyi tərəfindən hava limanından birbaşa olaraq Sabunçu rayonu, 3 saylı şəhər klinik xəstəxanasına aparılıb. Sakinlər, həmçinin bildirirlər ki, Akif Əliyev bir müddət Binə qəsəbəsində yerləşən 4 saylı şəhər xəstəxanasında bir neçə gün müalicə alıb. Onun yaddaşında heç bir informasiyanın qalmadığı bildirilib, hətta şəxsiyyətini təsdiq edən heç bir sənədi yoxdur.
Kişinin sosial sığınacağa yerləşdirilməsi üçün Sosial Xidmətlər Agentliyinin Bakı filialının əməkdaşları əraziyə gəliblər və Akif Əliyevi tibb müəssisəsinə aparıblar.
Təcili tibbi yardım xidmətinin verdiyi məlumata əsasən, Akif Əliyev tibbi müayinə üçün əvvəlcə Sabunçu rayonunda yerləşən tibb müəssisəsinə, daha sonra isə Kliniki Tibbi Mərkəzə aparılacaq. Müayinələrdən sonra isə onun sosial sığınacağa yerləşdirilməsi nəzərdə tutulur.
