Paytaxtın Qaradağ rayonu, Lökbatan qəsəbəsi, Vilayət Əsgərov küçəsində yaşayan sakinlər 5 gündür ki, susuz qalıblar. Bu haqda bu gün, 26 aprel tarixində Baku.ws məlumat verib.
Sakinlər “Azərsu” ASC-yə müraciət etsələr də, problem həllini tapmayıb:
"Bizə deyirlər ki, qısa zamanda həll olunacaq. Amma isti havada susuz qalmaq çox çətindir. Müraciətlərimizdən sonra bizə maşınla su gətirdilər ki, hələlik bundan istifadə edin".
“Azərsu” ASC-nin mətbuat xidmətinin rəhbəri Anar Cəbrayıllı bildirib ki, suyun gəlməməsinə səbəb Kür-Bakı magistral su xəttində aparılan profilaktik tədbirlərdir: "Bu səbəbdən xəttə verilən suyun təzyiqi azalıb. Hazırda sözügedən rayonun bəzi ərazilərində belə problemlər yaranıb. Biz maşınlarla həmin ərazini su ilə təmin etmişik. Artıq xətdə görülən işlər yekunlaşmaq üzrədir".
