Yenilənib:
Daxili İşlər Nazirliyinin Dövlət Yol Polisi İdarəsinin Baş İdarəsi məsələ ilə bağlı araşdırma aparıb, müvafiq tədbirlər görülüb. Problem aradan qaldırılıb: ərazidən maneələr götürülüb, avtobusların hərəkəti bərpa olunub.
14:02 - Avtobus zolağı zəbt olunub
Bakının Nərimanov rayonu, Əhməd Rəcəbli küçəsinin Təbriz küçəsi ilə kəsişməsində avtobus zolağında fərdi parkinq yaradılıb. Bu haqda bu gün, 27 mart tarixində “Transport for Baku” Facebook səhifəsi məlumat yayıb.
İctimai nəqliyyat üçün nəzərdə tutulmuş zolaqda xüsusi maneələr quraşdırılıb, nəqliyyatın hərəkəti tam məhdudlaşdırılıb. Verilən məlumata görə, həmin ərazi “Mado” restoranının parkinq ərazisi kimi istifadə olunur.
Bu səbəbdən avtobuslar məcburi olaraq ümümi istifadə üçün nəzərdə tutulmuş zolaqlarda hərəkət edir, nəticədə onların qrafikində ləngimələr müşahidə olunur.
