Paytaxtın Nərimanov rayonu, Qarabağ küçəsi 17 ünvanında bir əsrdən çoxdur inşa olunan tarixi bina qəzalı vəziyyətdədir. Bu haqda bu gün, 11 mart tarixində Bakuplus.az ATV-yə istinadən xəbər verir.
1893-cü ildə tikilən bina ilk öncə atlar üçün nəzərdə tutulmuşdur, daha sonra isə yaşayış yerinə çevrilmişdir. Sakinlər başlarına tökülən daş və taxta parçalarına görə narahatdır.
Məsələ ilə bağlı 37 saylı mənzil-kommunal istismar sahəsindən bildirildi ki, sözügedən binada yaşayan sakinlər yaxın zamanlarda köçürüləcək və bina söküləcək.
Memar Elçin Əliyev isə 130-a yaxın yaşı olan tikilini sökməyə icazənin verilməməli və ərazinin yeni memarlıq layihəsinə əlavə edilməli olduğunu qeyd edib.
