Bakının Nərimanov rayonu, Əhməd Rəcəbli küçəsi 4/6 ünvanında ağacların sərt kəsilməsinə görə Yaşıllaşdırma Təsərrüfatı Birliyinin sahə rəisi cəzalandırılıb. Bu haqda 21 mart tarixində Dövlət Ekoloji Təhlükəsizlik Xidmətinin mətbuat xidməti məlumat yayıb.
Belə ki, Bakı şəhər Yaşıllaşdırma Təsərrüfatı Birliyinin əməkdaşları tərəfindən 4 ağacın aqrotexniki qaydalara uyğun olmadan sərt budandığı məlum olub.
Hadisə yerində araşdırma aparılıb. Budama işlərinin düzgün aparılmamasına görə Birliyin sahə rəisi İlkin Abdullazadə cəzalandırılıb.
