Bakıda yolun ortasında açıq qalan kanalizasiya quyusuna avtomobillərin düşməməsi üçün maraqlı çıxış yolu tapılıb. Bu haqda 25 mart tarixində Bakuplus.az-a məlumat daxil olub.
Nərimanov rayonu, Təbriz və Əhmədbəy Ağaoğlu küçələrinin kəsişməsində, ən işlək yollardan birinin ortasında kanalizasiya quyusunun ağzı açıq qalıb. Lakin quyunun qabağına xəbərdaredici nişan qoyulmayıb. Problemi həll etmək üçün maraqlı çıxış yolu tapılıb. Quyuya heç kim düşməsin deyə, onun qarşısına su bidonu qoyulub. Yol nişanı funksiyasını daşıyan bu bidon sürücülər üçün əlavə problem yarada bilər, xüsusilə də axşam saatlarında.
Sözügedən yolda hərəkətin intensivliyini nəzərə alsaq, hər hansı qəza ehtimalı real görünür.
