Paytaxtın Nəsimi rayonu, Asif Məhərrəmov küçəsində qanunsuz parklanma sakinlərin şikayətinə səbəb olur. Bu haqda bu gün, 18 fevral tarixində Bakuplus.az ATV-yə istinadən xəbər verir.
Sosial şəbəkələrdə adıçəkilən ərazidə 1 nəfərin qanunsuz olaraq özünü nəzarətçi kimi göstərməsi və sürücülərdən pul tələb etməsi barədə məlumat verilib.
Həmin ərazidə ödənişli parklanma yoxdur, eləcə də maşın saxlamaq qadağası nəzərdə tutulmayıb. Sadəcə 1 nəfər dayanır və sürücülərdən pul tələb edir. Sürücülərə mane olmaq üçün isə su qabları və stullar əraziyə düzülür.
Müraciət olunandan sonra polis əməkdaşları əraziyə cəlb olunublar. Onlar nəzarətçinin qanunsuz işlədiyini bildirərək, onu 80 AZN məbləğində cərimələyiblər.
