Paytaxtın Nəsimi rayonu, Akademik Mirəsədulla Mirqasımov 4 ünvanında yerləşən yaşayış binası sökülür. Bu haqda bu gün, 9 iyul tarixində Bakuplus.az Baku TV-yə istinadən xəbər verir.
Sakinlərin sözlərinə görə “İnvest Construction” MMC şirkəti 100-dən çox ailədən razılıq almadan yaşayış binasının söküntüsünə başlayıb.
“İşdən gəlib evə girə bilmirdim. Taxta parçalarını qapımın ağzına atıblar. Bizimlə razılaşmamış ikinci ildir 130 ailənin yaşadığı binanı sökürlər”, - deyə sakinlər şikayət edirlər.
Nəsimi RİH Təsərrüfat şöbəsinin böyük məsləhətçisi Ələsgər Mövludoğlu məsələ ilə bağlı qeyd edib ki, hər iki tərəfin ortaq məxrəcə gəlməsi üçün dəfələrlə müdaxilə edilib, ancaq şirkəti də başa düşmək lazımdır. Oradan köçən insanlara kirayə pulu verilir. İnşaatın vaxtında bitməsi vacibdir.
Tikinti şirkətinin vəkili Yavər Yavərzadə isə binada ancaq köçmüş sakinlərin kommunal xətlərinin bağlanıldığını bildirib. Həmçinin oradan köçən insanların özləri ilə pəncərə, qapı və s. əmlakı aparmaq hüquqları olduğunu əlavə edib.
[caption id="attachment_52019" align="alignnone" width="800"]
Foto Baku TV rəsmi saytı[/caption]
