Bakının Nəsimi rayonunda təmir-abadlıq işləri davam edir. Bu haqda bu gün, 8 aprel tarixində Bakuplus.az rayon İcra Hakimiyyətinə istinadən xəbər verir.
Layihə çərçivəsində Cəlil Məmmədquluzadə, 99 saylı binada təmir-bərpa işlərinə başlanılıb. Yaşayış binasının fasadında, eyvanlarında və dam örtüyündə əsaslı təmir işləri başlanılıb. Əlavə olaraq tikilinin yağış sularını axıdan boru və navalçaların dəyişdirilməsi, həmçinin giriş pilləkənlərinin təmir-bərpa olunması, qapı və pəncərələrin yeniləri ilə əvəz olunması işləri nəzərdə tutulub.
Hazırda rayonun digər ünvanlarında da abadlıq, quruculuq, yenidənqurma işləri davam etdirilir.
