Bakının Nəsimi rayonu, Bakıxanov, 42 ünvanında təmir-abadlıq işləri aparılır. Bu haqda bu gün, 13 dekabr tarixində Bakuplus.az rayon İcra Hakimiyyətinə (RİH) istinadən xəbər verir.
“Bizim Həyət” layihəsi çərçivəsində binanı əhatə edən həyətyanı sahədə abadlıq-quruculuq işləri başa çatmaq üzrədir.
Həyətdə kök üstdə qurumuş təhlükəli vəziyyətdə olan ağaclar ərazidən çıxarılıb, həmçinin budanma təmizlik işləri aparılıb. Qanunsuz hasara alınmış çəpərlər sökülərək ərazi əhalinin ümumi istifadəsinə verilib.
Eləcə də binanın fasadı və dam örtüyü əsaslı təmir olunub, yağış suları axıdan boru və navalçalar, eyni zamanda giriş qapı və pəncərələri dəyişdirilib.
Bundan əlavə, həyətdə şahmat, minifutbol meydançaları yaradılıb, uşaq oyun elementləri, müxtəlif funksiyalı idman turnikləri və alətləri quraşdırılıb.
Hazırda rayonun digər ünvanlarında da abadlıq, quruculuq, yenidənqurma işləri davam etdirilir.
[caption id="attachment_123180" align="alignnone" width="640"]
Foto Nəsimi Rayon İcra Hakimiyyəti Facebook səhfəsi[/caption]
