Bakının Nəsimi rayonunda ənənəvi abadlıq-təmizlik işləri keçirilib. Bu haqda bu gün, 16 mart tarixində Bakuplus.az rayon İcra Hakimiyyətinə istinadən xəbər verir.
İməcilik çərçivəsində rayonun kommunal xidmətləri tərəfindən prospekt və küçələrdə işıq dirəkləri, yol kənarındakı məhəccərlər, həmçinin məişət tullantıları konteynerlərinin ətrafı yuyulub. Eləcə də parklarda abidələr, heykəllər və su fontanları da yuyularaq təmizlənib. Eyni zamanda yaz fəslinin gəlişi ilə əlaqədar iməcilikdə həyətlərdə quru ağaclar budanıb, səliqə-sahman işləri aparılıb.
Əlavə olaraq, ticarət obyektlərinin vitrinləri yuyulub, abad həyətlərdə və parklarda ümumi sanitar təmizlik işləri aparılıb.
[caption id="attachment_132869" align="alignnone" width="640"]
Foto Nəsimi Rayon İcra Hakimiyyəti[/caption]
