Paytaxtın Nəsimi rayonunda, Asif Məhərrəmov, 31, 33 və 33b ünvanlarını əhatə edən məhəllənin əsaslı təmiri yekunlaşıb. Bu haqda bu gün, 14 mart tarixində Bakuplus.az rayon İcra Hakimiyyətinə istinadən xəbər verir.
1100 sakini əhatə edən yenidənqurma işləri çərçivəsində həyətə 2500 kv.m asfalt örtüyü, 700 kv.m tamet daşı vurulub, 1000 kv.m-dən artıq qazon salınıb. Həmçinin zibil qutuları qoyulub. Yağış sularının axıdılması üçün xətt çəkilib. Həyətdə sahibsiz itlər üçün damlar və quş yuvaları quraşdırılıb.
Bundan əlavə, söhbətgah və oturacaqlar quraşdırılıb, uşaq və idman meydançaları yaradılıb. 100 ədəd ağac və 300 ədəd mövsümi çiçək əkilib. Əraziyə işıqlandırma sistemləri və təhlükəsizlik kameraları quraşdırılıb. Avtomobillər üçün parklanma zonası yaradılıb.
“ABAD həyət”in açılışı ilaxır çərşənbəyə təsadüf etdiyi üçün açılış mərasimində tonqal qalanıb, müxtəlif əyləncə proqramları təşkil olunub.
[URIS id=94083]
