Bakının Nəsimi rayonu, Cavadxan küçəsi, 30 və 34 ünvanlarını əhatə edən ərazidə abadlıq, quruculuq işləri başa çatıb. Yenilənmiş həyət sakinlərin istifadəsinə verilib. Bu haqda bu gün, 17 oktyabr tarixində Bakuplus.az Rayon İcra Hakimiyyətinə istinadən məlumat verir.
Təmir işləri çərçivəsində sözügedən ünvanlarda binaların fasadları və dam örtükləri əsaslı təmir edilib, yeni yağış suları axıdan boru və navalçalar quraşdırılıb, 8 ədəd giriş qapısı və 32 ədəd pilləkən qəfəsinin pəncərələri dəyişdirilib. Binaların giriş hissələri aqlay daşla üzlənib. Ətrafda yerləşən qeyri-yaşayış obyektlərinin fasadlarında təmir işləri aparılıb.
Həyətdə tamet daşları vurulub, qazon salınıb, yeni bordürlər quraşdırılıb. Zəbt olunmuş sahələr əhalinin ümumi istifadəsinə qaytarılıb, kiçik tullantılar üçün zibil qutular qoyulub. Həyətdə sahibsiz ev heyvanları üçün damlar və quş yuvaları quraşdırılıb.
Həmçinin həyətdə iki söhbətgah və oturacaqlar qoyulub, uşaq meydançası salınıb.
Görülən işlər zamanı mövcud olan yaşıllığa qulluq göstərilib, əlavə ağaclar və gül kolları əkilib.
[caption id="attachment_116801" align="alignnone" width="640"]
Foto Nəsimi Rayon İcra Hakimiyyəti[/caption]
