Nəsimi rayonunda yaşayış olan bina sökülməyə başlanılıb. Bu haqda bu gün, 26 iyun tarixində Bakuplus.az Xəzər Xəbər-ə istinadən məlumat verir.
Hadisə rayonun Mirəsədulla Mirqasımov küçəsi, 4 ünvanında baş verib. Sakinlərin sözlərinə görə, onlar mənzillərdə yaşaya-yaşaya evlərini sökürlər və onları zorla çölə çıxarırlar.
“Səhər mənə məlumat verdilər ki, evimin qapısını sındırıb, evimə daxil olublar. Hazırda evimdə əşyalar ola-ola mənzilim sökülür. Əməkdaşlar evimə daxil olub mənə xəsarət yetiriblər, telefonumu əlimdən alıblar”, - deyə sakin bildirir.
Bildirilir ki, məhkəmə bəzi evləri toxunulmaz elan etsə də, tikinti şirkəti buna məhəl qoymur.
Şirkət məsələ ilə bağlı bildirib ki, bina qəzalı vəziyyətdədir, ailələrə isə kompensasiya veriləcək. Ancaq digər suallara cavab verilmədi. Rəsmi qurumlar isə ümumiyyətlə, məsələyə aydınlıq gətirmədi.
