Bakının Nəsimi rayonu, Moskva prospekti, 68 və 72 ünvanlarında yaşayış binalarında təmir işləri davam edir. Bu haqda bu gün, 24 oktyabr tarixində Bakuplus.az rayon İcra Hakimiyyətinə istinadən xəbər verir.
Artıq həyətdə kök üstdə qurumuş ağaclar təmizlənərək ərazidən çıxarılıb və budanma təmizlik işləri aparılıb.
Hazırda həyətyanı sahədə abadlıq-quruculuq işləri aparılır, torpaq işləri görülür. Binaların fasadları və dam örtükləri əsaslı təmir olunur, yağış sularını axıdan boru və navalçalar dəyişdirilir.
Bundan əlavə, sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq oyun elementləri, idman qurğuları quraşdırılacaq.
Eləcə də yeni tamet bordür daşlarının, asfalt örtüyünün və qazon örtüyünün vurulması, həyətə yeni su və işıqlandırma sistemlərinin çəkilməsi, avtomobillərin saxlanılması üçün xüsusi yerlərin ayrılması işləri də nəzərdə tutulub.
[caption id="attachment_117525" align="alignnone" width="640"]
Foto Nəsimi Rayon İcra Hakimiyyəti[/caption]
