Nəsimi rayonu, 3-cü mikrorayonda abadlıq-quruculuq işləri davam edir. Bu haqda bu gün, 14 avqust tarixində Bakuplus.az Nəsimi Rayon İcra Hakimiyyətinə istinadən məlumat verir.
Cavadxan küçəsi 26, 30 saylı ünvanlarda ümumi yaşayış binalarında və həyətyanı sahədə təmir işləri aparılır. Sözügedən işlər çərçivəsində binaların giriş pilləkənlərində, fasadında və dam örtüyündə əsaslı təmir işləri, eyni zamanda yağış suları axıdan boru və navalçaların dəyişdirilməsi işləri də aparılır.
Həmçinin həyətyanı sahələrdə kök üstdə qurumuş ağaclar təmizlənərək ərazidən çıxarılır və budanma, təmizlik işləri təşkil olunur.
Binaların yaxınlığında təzə su, işıq sistemləri çəkilir, avtomobillər üçün parkinq yerləri ayrılır, yeni asfalt və qazon örtüyü vurulur.
Nəsimi rayonunun digər ünvanlarında da analoji işlər davam edir.
[caption id="attachment_109380" align="alignnone" width="640"]
Foto Nəsimi rayon İcra Hakimiyyətinin rəsmi saytı[/caption]
