Nəsimi rayonunda yerləşən parklarda abadlıq işləri davam edir. Bu haqda bu gün, 11 oktyabr tarixində Bakuplus.az rayon İcra Hakimiyyətinə istinadən xəbər verir.
Aparılan quruculuq işləri çərçivəsində rayonun Xətai prospekti, 40 saylı ünvanda yerləşən parkda yaşıllıqlara aqrotexniki qulluq göstərilib, işıqlandırma sistemində təmir işləri aparılıb. Yararsız vəziyyətdə olan səkilərdə tamet və aqlay daşları bərpa olunub, oturacaqlar təmir edilərək rənglənib. Eyni zamanda parkda yeni oturacaqlar və kiçiktutumlu tullantı qabları quraşdırılıb.
Abadlıq işləri rayonun müxtəlif ərazilərində davam edir.
