Bakının Nizami rayonu, Şirin Mirzəyev küçəsində binalar söküləcək. Bu haqda bu gün, 21 fevral tarixində Bakuplus.az ATV News-a istinadən xəbər verir.
Gələcək zamanda sözügedən ərazidə yerləşən köhnə ikimərtəbəli yaşayış binalarının sökülməsinə başlanılacaq. Burada yeni hündürmərtəbəli binaların tikintisi planlaşdırılır.
Sakinlərin sözlərinə görə, onlar tikinti işlərini aparacaq şirkət nümayəndələri ilə danışıqlara başlayıblar. Həmin binada ev istəməyən vətəndaşlara pul təklif olunacaq.
“Gəldilər, ölçdülər. Eşitdiyimizə görə, 1 kv.m sahəyə görə 2500 AZN təklif edirlər. 70 ilin binalarıdır, artıq sökülməlidir”, – deyə sakinlər bildirirlər.
Tikinti şirkətinin nümayəndəsi Ceyhun Məmmədov bildirib ki, sakinlərə evlərinin ölçüsünə uyğun evlər veriləcək. Bina evi ilə razılaşmayanlara isə bazar dəyərinə uyğun qiymətlər hesablanır.
Bundan əlavə, tikinti işlərinə ərazidə yaşayan bütün sakinlər razılaşdıqdan sonra başlanılacağı qeyd olunub.
