Paytaxtın Nizami rayonunda Autizm Mərkəzinin inşa edilmiş yeni binasının açılışı baş tutub. Bu haqda bu gün, 31 dekabr tarixində Report məlumat yayıb.
Autizm xəstəliyindən əziyyət çəkən uşaqların intensiv terapiya alması və onların asudə vaxtlarının səmərəli keçirilməsi üçün binada sinif, sakitləşdirici, valideyn və uşaqlar üçün psixoloq, yataq və loqoped otaqları, akt və idman zalları var.
Mərkəzin ərazisində velosiped yolu salınıb, oturacaqlar quraşdırılıb, idman və oyun meydançaları yaradılıb.
23 yaşınadək xəstələrin qayğısı ilə məşğul olan şəxslər mütəxəssislər tərəfindən müvafiq təlim keçiblər.
Birinci vitse-prezident Mehriban Əliyeva, qızları Leyla Əliyeva və Arzu Əliyeva bina ilə tanış olublar. Daha sonra autizm spektr pozuntulu uşaqlarla görüşüblər.
