Nizami rayon sakinləri tullantı problemlərindən əziyyət çəkirlər. Bu haqda Realtv xəbər verib.
Rüstəm Rüstəmov küçəsi 76 ünvanında yaşayan sakinlər bildiriblər ki, 10 gündən artıqdır ki, yaşadıqları binanın 10 metr məsafəsində zibil konteynerləri yerləşdirilib. Konteynərlərdən zibilin qoxusu onları narahat edir.
Sakinlərin sözlərinə görə, bu konteynerlər yaxınlıqda yeni market tikilənə qədər binanın yanına qoyulmuşdur. Lakin market tikildikdən sonra konteyneri yığışdırmaq əvəzinə, onlar binanın 5-10 metrlik məsafəsində yerləşdirilib.
Məsələ ilə bağlı Nizami rayonu 57 saylı mənzil-istismar sahəsi bildirib ki, konteynerlərin yerləşdiyi əvvəlki məkanda park təmir olunur. Həmçinin, konteynerlər burada tikilən hündürmərtəbəli binanın mühafizə zonasına düşdüyü üçün əvvəlki məkandan götürülüb. Qurumda əlavə ediblər ki, yaxın günlərdə münasib yer tapılan kimi, konteynerlər binanın yanından götürüləcək.
