Bir əsrdən çox yaşı olan, Xətai rayonunun NZS qəsəbəsində yerləşən bina artıq 6 dəfə yanıb. Binanın istismar müddəti bitdiyi üçün evin müxtəlif hissələri bir müddətdir ki, dağılır. Bu haqda bu gün, 4 aprel tarixində Bakuplus.az Xəzər Xəbər-ə istinadən məlumat verir.
Sakinlər deyirlər ki, mənzillərdə də, dəhlizlərdə də tavanlar uçub. Binanın vəziyyəti elədir ki, sözün əsl mənasında hər şey dağıdıldığı üçün təmir etmək mənasızdır. Yaşayanlar dövlət qurumlarına müraciət etsələr də, nəticəsi yoxdur.
Bina ilə bağlı Xətai Rayon İcra Hakimiyyətindən (RİH) bildirilib ki, sakinlərdən heç bir müraciət daxil olmayıb. Yazılı müraciət əsasında binaya baxış keçiriləcək və müvafiq qərar veriləcək.
