Xəzər rayonu, Qala qəsəbəsinin sakinləri yolların yararsız olduğuna görə çətinlik çəkirlər. Bu haqda bu gün, 15 fevral tarixində Bakuplus.az Baku TV-yə istinadən məlumat verir.
Qala stansiyası, “Hərbi mühafizə dəstəsi” adlanan küçədə yaşayan sakinlərin sözlərinə görə, gölməçəli küçədən keçmək üçün ya həyətlərin hasarlarından, ya da qaz xəttindən tutmaq məcburiyyətində qalırlar.
“Uşaqlar məktəbə getməkdə çətinlik çəkirlər. Həkimə xəstə aparıb-gətirməli oluruq. Gölməçələr rahat hərəkət etməyə imkan vermir. Müraciət etmişik, amma heç kim maraqlanmır”, – deyə şikayətçilər bildiriblər.
Məsələ ilə bağlı Azərbaycan Avtomobil Yolları Dövlət Agentliyindən (AAYDA) bildirilib ki, sözügedən ərazi qurumun balansında deyil.
