Parklanma zonalarının təşkil edilməsinə baxmayaraq, Bakıda hələ də qanunsuz parkinq əraziləri təşkil olunur. Bu haqda bu gün, 26 iyul tarixində Bakuplus.az Baku TV-yə istinadən məlumat verir.
“Parklanma yerlərinin idarə edilməsi bu sahədə nizam-intizamın yardılmasına, qanunsuz pul yığımının qarşısını almaqla maliyyə şəffaflığının təmin olunmasına xidmət edir. Parklanma yerlərindən istifadəyə görə sürücülərdən nağd şəkildə hər hansı bir ödəniş tələb oluna bilməz. Sürücülərə qanunsuz ödənişlər etməməyi tövsiyə edirik”, - məsələ ilə bağlı Azərbaycan Yerüstü Nəqliyyat Agentliyinin (AYNA) sözçüsü Tural Orucov bildirib.
“Yol hərəkəti haqqında” qanuna və İnzibati Xətalar Məcəlləsinə edilən dəyişikliyə əsasən, qanunsuz parkinq təşkil edən və ya bu xidmətlərə görə ödəniş tələb edən şəxslər 2000 manatadək cərimə olunacaqlar.
