Paytaxtın Qaradağ rayonu, Lökbatan qəsəbəsində yüksək sürətli yolda piyada keçidi yoxdur. Bu haqda bu gün, 8 aprel tarixində Bakuplus.az Xəzər Xəbərə istinadən məlumat verir.
Yolun hər iki tərəfində avtobus dayanacağı qoyulub, ancaq qarşı tərəfə keçmək üçün heç bir infrastruktur yaradılmayıb. Bu da sakinləri yolu təhlükəli vəziyyətdə keçməyə məcbur edir.
Bakı Nəqliyyat Agentliyinin mətbuat katibi Mais Ağayev bildirib ki, məsələdən xəbərdardırlar və sözügedən ərazidə müvafiq infrastruktur yaradılacaq.
