Bakının Qaradağ rayonu, Sahil qəsəbəsində yarımçıq tikili narkotik aludəçilərinin yuvasına çevrilib. Bu haqda Xəzər Xəbər reportaj hazırlayıb.
Vaqif Ələkbərov küçəsi,1 ünvanında yaşayan sakinlərin sözlərinə görə, artıq uzun müddətdir ki, naməlum şəxslər günün müxtəlif vaxtlarında həmin baxımsız binaya girir, və orada narkotik vasitələrindən istifadə edirlər. Ərazidə hər dəfə şprislərə də rast gəlmək olar.
Yerli əhali iddia edir ki, narkomanlardan başqa binaya digər insanlar da gəlir, bura əxlaqsızlıq yuvasına çevrilib.
Daxili İşlər Nazirliyinin əməkdaşı Nurlan Əliyevin sözlərinə görə, polis əməkdaşları binaya baxış keçiriblər, ərazidə nəzarət tədbirləri gücləndirilib.
Bildirilir ki, həmin bina 15-20 ildir ki baxımsız qalıb.
[caption id="attachment_43806" align="alignnone" width="800"] Foto Xəzər Xəbərin rəsmi Youtube kanalı[/caption]
