Bakının Qaradağ rayonu, Lökbatan qəsəbəsində sovet dövründə tikilən və istismar müddəti bitmiş binalar sökülür. Bu haqda bu gün, 27 noyabr tarixində Bakuplus.az Qaynarinfo-ya istinadən məlumat verir.
28 May küçəsində yerləşən ikimərtəbəli binaların yerində tikinti şirkəti tərəfindən hündürmətəbəli bina tikiləcəyi üçün vətəndaşlara inşa bitdikdən sonra mənzillər təklif olunub. Bununla yanaşı, tikinti başa çatanadək evləri sökülən vətəndaşlara aylıq 400 manat kirayə pulu da veriləcək.
Sakinlərin əksəriyyəti şirkətin təklifi ilə razılaşaraq evləri tərk edib.
