Bakıda kişi arvadı ilə qayınanasını girov saxlayıb. Bu haqda 11 may tarixində Qafqazinfo məlumat verib.
Səbail rayonu, A.Abbaszadə küçəsində yerləşən binada 51 yaşlı Arzu Rəsulova (ad-soyadlar şərti) polisə zəng edib və bildirib ki, Türkiyə vətəndaşı olan kürəkəni, 39 yaşlı M.Akbulut bıçaqla hədələyərək onu və onun qızını girov götürüb.
Dərhal ərazi üzrə polis bölməsinin əməkdaşları, Fövqəladə Hallar Nazirliyinin xilasetmə xidmətinin əməkdaşları hadisə yerinə cəlb olunublar və binaya gələn xüsusi qrup mənzilin qapısını açıb. Bu zaman M.Akbulut bıçaqla özünə xəsarət yetirməyə cəhd edib, lakin onun cəhdinin qarşısı alınıb. Həmin şəxsin bıçaqla hədələyib evdə girov saxladığı həyat yoldaşı, 29 yaşlı Aysel Rəsulova və anası Arzu xilas ediliblər.
Faktla bağlı araşdırma davam edir.
