Sabunçu rayonu, Nizami İsmayılov küçəsinin sakinləri şikayət edirlər. Bu haqda bu gün, 23 iyun tarixində Bakuplus.az Baku TV-yə istinadən xəbər verir.
Belə ki, sözügedən küçədə avtomobillərin hərəkətinə nəzarət olunmur. Yaxınlıqda məktəb yerləşir, sürət həddi 30 km/saat olaraq müəyyənləşdirilib, ancaq yola nəzarət olmadığından sürücülər qaydalara riayət etmirlər.
“Neçə nəfəri maşın vurub bu yolda, 30 yazılıb, 80-100 ilə sürürlər. Qabaqda məktəb var, tramplin belə qoymurlar. Yolun qırağında 15 dəqiqə gözləyirik ki, maşın qurtarsın, sonra keçək. Yoxsa avtomobillər bizi gözləmir”, - deyə sakinlər şikayət edirlər.
Sakinlər əraziyə təhlükəsizlik kameraları və radarların qoyulmasını istəyirlər.
Daxili İşlər Nazirliyi məsələ ilə bağlı müvafiq qurumlara müraciətlərin göndərildiyini bildirib. Radarların da quraşdırılması planlaşdırılır.
