Paytaxtın Sabunçu rayonunda sudan qanunsuz istifadə halları aşkarlanıb. Bu haqda bu gün, 1 may tarixində Bakuplus.az Azərsu-ya istinadən xəbər verir.
Keçirilən yoxlamalar zamanı adıçəkilən rayonun bir sıra ərazilərində sayğacdankənar sudan istifadə halları aşkarlanıb. Həmin ərazilər aşağıdakılardır:
Maştağa qəsəbəsinin Xanlar küçəsində yerləşən daş sexi və kafenin sahibləri tərəfindən texniki şərt almadan şəbəkəyə özbaşına müdaxilə edilib.
Zabrat dairəsində fəaliyyət göstərən dərzi, bərbər, ət kəsimi, avtoyuma, telefon satışı məntəqəsinin, Maştağa-Zabrat yolunda yerləşən dekorativ ağacların satışı və kafe kimi fəaliyyət göstərən obyektlərin, eləcə də Savalan yaşayış massivində vasitəçilər tərəfindən tikilən fərdi evlərin də sudan qanunsuz istifadə etdikləri məlum olub.
Aşkar olunan faktlarla bağlı qanun pozuntusu edən şəxslər məsuliyyətə cəlb olunublar.
2023-cü ilin yanvar-aprel aylarında Sabunçu rayonu üzrə 1365 sudan qanunsuz istifadə faktları aşkar edilib.
[caption id="attachment_98934" align="alignnone" width="640"]
Foto Azərsu[/caption]
