Sabunçu rayonunda yaşayan bir qrup sakin 1 həftədir susuz qalıb. Bu haqda 22 iyul tarixində Xəzərxəbər.az məlumat verib.
Sabunçu rayonu, Ramana qəsəbəsi, 9-cu mədən adlanan ərazidə yaşayan bir qrup sakin iddia edir ki, ana xəttə müdaxilə olunub. Xəttə digər küçədə yaşayanlar tərəfindən su motoru quraşdırılıb, nəticədə bu, suyun kəsilməsinə səbəb olub. Suyun kranı var, amma özü yoxdur. Sakinlər mənzillərinə uzaq məsafə qət edərək su gətirmək məcburiyyətində qalırlar.
“Sözügedən ərazidə vətəndaşlar tərəfindən fərdi qaydada yaradılan primitiv şəbəkə tikinti normalarına cavab vermədiyinə görə yay aylarında suya olan tələbatı ödəmir. Layihə icra olunana qədər qurumun əməkdaşları yaranan problemi qismən də olsa aradan qaldırmağa çalışacaqlar”, - “Azərsu” ASC-nin mətbuat katibi Anar Cəbrayıllı açıqlama verib.
[caption id="attachment_53584" align="alignnone" width="800"] Foto Xəzər Xəbərin rəsmi Youtube kanalı[/caption]
