Azərbaycan xalqının Fransa Senatına ünvanladığı petisiyanı artıq 4000-dən çox şəxs imzalayıb. Bu haqda bu gün, 14 oktyabr tarixində Bakuplus.az məlumat verir.
Oktyabrın 11-də MesOpinions.com saytında yerləşdirilən petisiya cəmiyyət arasında yayılmağa başlayıb. Tanınmış xəbər portalları, eləcə də məşhur şəxslər onun haqqında yazıblar.
Petisiyaya xüsusi dəstəyi Azərbaycan idmançıları da veriblər. Onların arasında kikboksinq üzrə dəfələrlə dünya və Avropa çempionu olmuş Zabit Samədov, karate üzrə 5 qat dünya və 11 qat Avropa çempionu Rafael Ağayev, ikiqat Avropa çempionu Hidayət Heydərov, Olimpiya Oyunlarının mükafatçısı, Avropa çempionatının qalibi Orxan Səfərov və ölkəmizi beynəlxalq arenada təmsil edən onlarla digər idmançılar yer alıblar.
11 oktyabr tarixində sosial şəbəkələrdə Fransa Senatının bəzi üzvləri tərəfindən Azərbaycana qarşı sanksiya paketinin hazırlanması ilə bağlı məlumatlar yayılıb. Fransa ölkəmizi irqçilikdə və hərbi cinayətlərdə ittiham edir, Avropaya Azərbaycanın neft və qazının ixracına embarqo tətbiq etməyi təklif edir.
Petisiyanı burada imzalaya bilərsiniz.
Bu postun linkini qohumlarınız, dostlarınız və tanışlarınız arasında yayın. Birlikdə biz - qüvvəyik!
Petisiyanın daha çox yayılması üçün bu heşteqlərdən istifadə edək: #BizAzərbaycanıq #AzərbaycanıQoruyaq
