Suraxanı rayonunda şəhid Nazim Kirxlarovın xatirəsini əbədiləşdirən bulağın açılışı olub. Bu haqda 23 oktyabr tarixində Suraxanı Rayon İcra Hakimiyyəti xəbər verib.
Xatirə bulağı şəhidin yaşadığı Əmircan qəsəbəsində inşa olunub. Açılış mərasimində şəhidin ailəsi, dostları, İcra Hakimiyyətinin başçısı Əziz Əzizov, Milli Məclisin deputatları, Suraxanı Gənclər Evinin direktoru, Suraxanı Rayon Gənclər və İdman İdarəsinin rəisi və digər rəsmi şəxslər iştirak edib. Mərasimdə məktəblilərin ifasında Vətənə, ordumuza, şəhidlərimizə həsr olunan şeirlər səsləndirilib, ədəbi-bədii kompozisiya nümayiş olunub.
Açılışdan sonra onun dəfn olunduğu məzarı ziyarət olunub, ruhu ehtiramla yad edilib.
Nazim Kirxlarov oktyabrın 23-də Qubadlı döyüşləri zamanı şəhid olub. Ölümündən sonra 3-cü dərəcəli “Vətənə xidmətə görə” ordeni ilə, “Vətən uğrunda” medalı, “Cəbrayılın azad olunmasına görə”, “Qubadlının azad olunmasına görə”, “Laçının azad olunmasına görə” medalları ilə təltif edilib.
[URIS id=11050]
